जय विकृति

 ध्रुब गिरी

सदस्य साहित्य परिषद् प्यूठान

यहाँलाई अनौठो लाग्ला विकृतिको पनि जय भन्ने कस्तो मति हराएको मनुवा रहेछ भन्नुहोला तपाईँले जे भने पनि मलाई सरोकार छैन, केही मतलव छैन । म त भएको लेख्छु आधा ढाकेर देखाउन खोज्नेलाई उदा¨ो पार्न जानेको छुँ । आदर्श बोली  बोलेजस्तो गर्ने व्यवहारमा घृणित हर्कत गर्नेको पिछा लागेर छाड्छु , भाषणमा एक कार्यशैलीमा अर्को गर्नेको धज्जी उडाउछुँ ।  मुखमा रामराम वगलीमा छुरा लुकाउनेको टुप्पी समाउछुँ । कानुन मिचेर वैमान गर्नेको सकेसम्म  तर्कवाणले ढाड मस्काउछुँ । घरमा आगो लाएर खरानी खोज्न विदेश चाहार्नेलाई बाटोमा रोक्छु । चुनावमा लगाएका धाक पूरा नगर्ने नेता भनाउँदालाई भेट्नासाथ लोप्पा खुवाउछु । छाउपडी,देवकी, दाइँजो र तिलक प्रथालाई रीतिरिवाजको नाममा संस्कार भनेर निरन्तरता दिनेलाई  तिरस्कार गर्छु । मानव भएर पनि जातिय छुवाछुत दानवीय व्यवहार गर्नेको खेदो खन्छु । म यी सप्पै गर्छु भन्दा हुटिट्याउले आकास थाम्न खोजेको भन्नुहोला भन्नुस मलाई केही न्याक्नु हुन्न म मेरो बाटोमा निरन्तर अगाडी बढ्छु जतिवेलासम्म तपाईको साथ पाउनेछुँ र म रहन्छुँ । 

अनौठो नमान्नुहोला दानवरुपी मानिसले छाउपडीको नाममा कलिला नानीहरुलाई असहजता र एकान्तमा राखेर निशास्सीएर र ।सर्पलाई टोकाइ मारेनन् कि ? वैठक भाषणमा महिला स्वतन्त्रताका गुड्डी हाक्ने वेलुका घरमा घरेलु हिंसा गर्दैनन् कि ? महिला स्वतन्त्रताका नाममा महिला स्वयंले महिलामाथि अन्याय अत्याचार गर्दैनन् कि ? समाजमा मानवमाथि चरम शोषण अन्याय अत्याचार गरेर मन्दिरको मूर्तिसंग याचना गदैैनन् कि ? बाबुआमा बाँचदासम्म स्याहार सुसार, औषधीमूलो गर्नु नपर्ने मरेपछि घिउमा पिण्ड वनाएर पठाउने हर्कतको प्रशंसा गर्नु हुन्न कि ? आफ्नो भएको खेतवारी बाँझो राखेर मरुभूमिमा भेडा चराउन रहर गर्ने युवाशक्तिलाई प्रोत्साहन गर्नुहुन्न कि ? आफ्ना मौलिक पोषाकलाई पाखे पोषाक भनेर च्यातिएका पाइन्ट काटिएका कुर्ता र एक वित्ताको जामा लाउनेलाई आधुनिक भन्नु हुन्न कि ? मौलिक उत्पादन आटो ढिडो कोदो फापर वेचेर चाउचाउ,बिस्कुट, पिजा, चाउमिन, मःम किन्नु हुन्न कि ? गाईभैसीको गोवर गन्हाउछ भनी कुकुर पालेर गल्लीमा दिसापिसाव गराउन लैजानु हुन्न कि? आदर्श बिचार शिद्धान्त र वास्तविक नेतृत्वको ख्यालै नगरी वियर रक्सी मासुमा मत बेच्नु हुन्छ नि ? समाजमा शिक्षित, विद्वान, इमान्दार र नैतिकवानको अवहेलना गरी जस्तोसुकै होस् पैशावालको सम्मान गर्नुहुन्न कि ? घरमा कोही पाहुँना आउन कि अन्य अथवा बाबुआमा ले छोराछोरीलाई होस् कि छोराछोरीले बाबुआमालाई होस् कुराकानी यताउती, तातोचिसोको कुरा विर्सनुभो त्यही मोबाइलमा घोप्टो परेर आफ्नै घोप्टे युगमा रमाउने गर्नुहुन्छ नि ? चामलसंग पिठो साट्ने उखानलाई चरितार्थ गर्दै भएको अर्गानिक मकै बेचेर भुजामा रमाउने गर्नु हुन्छ नि ? 

अन्तमा यतिका विधि भन्यो नि भनेर नरिसाउनुहोला नठुस्किनुहोला यो म पनि हो तपाईँ पनि हो र उ पनि हो । हामीले हाम्रो संस्कृति जोगाउने हो, हाम्रो मौलिकता बचाउने हो, हाम्रो पहिचान जोगाउने हो र संस्कृतिमा जरा गाडेर रहेका कतिपय विकृतिलाई हटाउने हो भने परिवर्त गर्नु नै छ भने  सुरुवात आफुबाटै गर्नपर्छ भन्ने मान्यतालाई आत्मसात गरी आज अहिलेबाटै आफुमा भएका कमजोरीहरु हटाउन सुरु गरौँ । अरुले सुरु गरेपछि म पनि गरुलाई जस्तो चलेको छ चलोस भन्ने हो भने सबैले एकसाथ भने भै गो ।

जय विकृति ।